Alla Itolae Nusa 36

1

Meije Esau, rebe kotieni Edome eni anubuaru.

2

Esau ikai bina telu bei tamata Kanane. Eni bina meru kena: Ada, Oholibama kai Basmate. Ada amai kena Elone tamata Hete. Oholibama, amai kena Ana, upui kena Sibeone tamata Hewi. Kai Basmate, amai kena Ismaele, kai betai kena Nebayote.

3

[tolong lihat ayat sebelumnya]

4

Ada iruele Elipase, Basmate iruele Rehuele,

5

kai Oholibama iruele Yeuse, Yaelame kai Kora. Mere Esau eni nana rebe ruelesi me tape Kanane.

6

Eleki Esau ikeu bei kwalini Yakupe kena otoi makete, ikeri kai eni binaru, eni nanaru kai tamata rebe esi rue kaini kai eni binatanaru kai eni taneia rebe isupulu me tape Kanane.

7

Esau ikeu bei Yakupe le esi taneiaru boka kuate peneka hoko esi rue sakesare saisa moneka. Esi binatanaru boka kuate hoko esi manane me otoi rebe esi rue kenae mere pelalu mo.

8

Hoko Esau rebe esi kotieni Edome, irue ndete ulate Seire.

9

Esau tamata Edome esi ntuane mena eni anubuaru:

10

Esau eni bina rebe eni nane Ada iruele kwete mokwai sae eni nane Elipase. Eleki Elipase eni nanaru kena: Temane, Omare, Sepo, Gaetame kai Kenase. Kai Elipase eni bina piala eni nane Timna, iruele kwete mokwai sae ete Elipase, eni nane Amaleke. Esau eni bina rebe eni nane Basmate iruele kwete mokwai sae eni nane Rehuele. Eleki Rehuele eni nana mokwaia ata: Esau eni bina rebe eni nane Oholibamare, iruele kwete mokwaiya telu: Yeuse, Yaelame kai Kora. Oholibamare amai kena Sibeone eni nanae Ana.

11

[tolong lihat ayat sebelumnya]

12

[tolong lihat ayat sebelumnya]

13

[tolong lihat ayat sebelumnya]

14

[tolong lihat ayat sebelumnya]

15

Meije luma matai bei Esau eni anubuaru: Elipase, Esau eni nanae menare eni anubuaru kena: Temane eni luma matai, Omare eni luma matai, Sepo eni luma matai, Kenase eni luma matai,

16

Kora eni luma matai, Gaetame eni luma matai kai Amaleke eni luma matai. Pususi meru esi rulu bei Esau eni bina Ada.

17

Esau eni nanae rehuele eni anubuaru kena: Nahate eni luma matai, Sera eni luma matai, Sama eni luma matai kai Misa eni luma matai. Pususi meru esi rulu bei Esau eni bina Basmate.

18

Esau eni anubua bei eni bina Oholibama, Ana eni nanare kena: Yeuse eni luma matai, Yaelame eni luma matai kai Kora eni luma matai.

19

Pusue luma matai meru esi rulu bei Esau.

20

Tamata rebe esi rueke tape Edome esi rulu bei Seire, tamata Hori, eni anubuaru kena: Lotane eni luma matai, Sobale eni luma matai, Sibeone eni luma matai, Ana eni luma matai, Disone eni luma matai, Esere eni luma matai kai Disane eni luma matai.

21

[tolong lihat ayat sebelumnya]

22

Hori eni luma matai kai Hemane eni luma matai esi rulu bei Lotane. Lotane betai kena Timna.

23

Alwane eni luma matai, Manahate eni luma matai, Ebale eni luma matai, Sepo eni luma matai kai Oname eni luma matai esi rulu bei Sobale.

24

Sibeone eni nanaru kena Aya kai Ana. Ana mere pine itetue kwele musuta bolai ndete otoi nsekile kena iala amai Sibeone eni keledaiaru.

25

Ana eni nana kena Disone, kai eni nana bina kena Oholibama.

26

Disone eni anubuaru kena: Hemdane eni luma matai, Esibane eni luma matai, Yitrane eni luma matai kai Kerane eni luma matai.

27

Esere eni anubuaru kena: Bilhane eni luma matai, Sawane eni luma matai kai Akane eni luma matai.

28

Disane eni anubuaru kena: Use eni luma matai kai Arane eni luma matai.

29

Tamata Horiru esi ntuana menaru kena Lotane, Sobale, Sibeone, Ana,

30

Disone, Esere kai Disane. Sie meiju esi ono elake me tape Seire.

31

Kena tamata Israelaru esi kamale sae mosa me tape Edome esi kamale peneka.

32

Kamala rebe esi pleta tape Edome esi meije: Bela ibei kota Dinhaba. Amai kena Beore.

33

Kena Bela imata, Sera eni nanae Yobape bei Bosra ipleta selini.

34

Kena Yobape imata, Husiame bei otoi Temane ipleta selini.

35

Husiame imata, Bedate eni nanae Hadate ipleta selini. Ile mere rebe inabu tamata Midianaru me otoi Moape kai ibei kota Awite.

36

Hadate imata, Salma bei Masreka ipleta selini.

37

Kena Salma imata, Saula bei Rehobote, rebe me kwele leini ipleta selini.

38

Saula imata, Akbore eni nanae Bal-Hanane ipleta selini.

39

Eleki kena Akbore eni nanae Bal-Hanane imata, Hadare bei kota Pahu ipleta selini; Hadare eni bina eni nane Mahetabele. Mahetabele inai kena Matrete kai upui kena Mesahape.

40

Meiju Esau eni anubuaru esi elakaru lulu erisi luma matai kai esi otoi maka ruere. Esi nanaru meiju: elake luma matai Timna, elake luma matai Alwa, elake luma matai Yetete,

41

elake luma matai Oholibama, elake luma matai Ela, elake luma matai Pinone,

42

elake luma matai Kenese, elake luma matai Temane, elake luma matai Mipsare,

43

elake luma matai Makdiele kai elake luma matai Irame. Sie meru elaka papela luma matai tamata Edome lulu erisi otoi rebe esi ruekele kai esi tapele. Edome mere Esau, tamata Edome esi ntuane mena.

alkitab.me